Ore me zile per te “zgjuar” deputetet

GJENEVE - Organizata ekologjike "Greenpeace" terhoqi vemendjen e parlamentareve zvicerane, lidhur me urgjencen e nje pergjigjeje ndaj ngrohjes klimaterike, duke bere te binin njekohesisht ne mes te seances ore me zile, qe u ishin derguar me poste 246 deputeteve dhe senatoreve. Dje, ne oren 12 pa dy minuta, parlamentaret u sulen mbi pakot e vendosura mbi tryezat e tyre per te pushuar tingellimen qe dilte prej tyre. Brenda tyre, nga nje ore me zile me energji diellore dhe nje mesazh: "Ora e legjislatures klimaterike ra". "Nuk degjohej me njeri. Ne koke kisha vetem nje ide, si ta ndaloja tingellimen. Por kishte kaq shume zile, sa qe ishte e pamundur", tregoi nje deputet per te perditshmen zvicerane "Le Matin". "Tani qe jemi zgjuar te gjithe, t'i rikthehemi punes", komentoi me shaka kryetari i Keshillit te Shteteve (Senati), Christoffel Braendli, pas incidentit. "Sipas OKB-se, na mbeten vetem tete vjet per te ulur emetimet e CO2. Pas kesaj ka per te qene shume vone. Deshem te terhiqnim vemendjen e parlamentareve per kete problem", shpjegoi per "Le Matin" zedhenesi i "Greenpeace", Nicolas de Roten. Legjislatura e re u hap te henen me betimin e deputeteve dhe senatoreve te dale nga zgjedhjet e tetorit te kaluar, ne te cilat fitoi e djathta nacionaliste populiste, UDC.