PARIS – Zelensky: Takohem me Putinin, por jo në Moskë

PARIS, 4 shtator /ATSH-Ukrinform/ – Ukraina është gati për negociata në nivel udhëheqësish në çdo format, por veprimet e Kremlinit tregojnë mungesë dëshire për dialog të vërtetë dhe fund të luftës, deklaroi sot presidenti ukrainas, Volodymyr Zelensky gjatë një konference për shtyp në Paris, sipas një korrespondent të Ukrinform.

“Një takim me Putinin është i nevojshëm. Kjo nuk është çështje dëshire, por domosdoshmërie. Ne e mbështesim këtë takim në çdo format trepalësh ose dypalësh”, theksoi Zelensky.

Në të njëjtën kohë, ai tha se Rusia po bën gjithçka që mundet për të shtyrë takimin.

“Partnerët tanë amerikanë na kanë informuar se Putini më ka ftuar në Moskë. Duket se ata duan që takimi të mos zhvillohet, prandaj po më ftojnë. Rusia ka filluar të flasë për takimin, gjë që nuk është keq, por deri më tani nuk e shohim dëshirën e tyre për t’i dhënë fund luftës”, theksoi kreu i shtetit.

Sipas tij, udhëheqësit në një takim të këtij niveli duhet të dalin me një rezultat specifik, “mundësisht me përfundimin e luftës”.

Presidenti Volodymyr Zelensky tha se rusët do të bëjnë gjithçka që është e mundur për të parandaluar takimin midis udhëheqësve të Ukrainës, SHBA-së dhe Rusisë./ /Ad.Ab./