PD: Rama per luan me jeten e grave Rozeta Rapushi

Deputetet demokrate, kerkuan dje nga opozita qe t'i jape fund bllokimit te rrugeve, me qellim te marrjes se pushtetit me dhune. Nderkohe qe shkoi ne 376, numri i personaliteteve dhe intelektualeve qe firmosen dje, letren e hapur kunder vendimit te Edi Rames, per vijimin e greves se urise. Deputetja demokrate, Mesila Doda shprehu dje shqetesimin per mungesen e humanizmit nga kreu socialist, qe vijon te lere grate ne greve. "Te nderuara zonja kolege te Partise Socialiste! Qysh prej dy javesh vazhdoni te qendroni ne kushte cnjerezore, vazhdoni te qendroni te paushqyera, pa femijet dhe familjet tuaja prane, duke qendruar dite e nate ne mes te rruges, ne mes te bulevardit kryesor te qytetit. Sigurisht qe edhe ju vete e dini, qe vendi juaj i natyrshem eshte familja dhe femijet tuaj, jo rruga, jo bulevardi kryesor i qytetit, jo sakrifica absurde per pushtetin e nje burri, qe me papjekurine e tij po demton rende shendetin tuaj", beri thirrje Doda. Sipas saj, nje burre qe eshte lider, qe eshte i pergjegjshem per rolin qe ai ka ne drejtimin e forces se tij politike, nuk loz me jetet e tyre dhe as me ato te femijeve te tyre, te cilet kane 14 dite qe vazhdojne te jetojne, te ushqehen e te flene pa to. Deputetja e PD-se, u beri thirrje te gjitha nenave te mos lene femijet, per t'ju bashkuar idese se nje te semuri per pushtet. "Mundohuni te rigjeni dinjitetin e neperkembur nga malinjiteti i nje burri, qe nuk ka as trimerine e as forcen tuaj, sepse ndersa ju luftoni per kutite e tij, ai vazhdon te konsumoje supen e rehatine e shtepise se nenes se tij", tha Doda. Ndersa deputeti Gjergji Papa, akuzoi kreun e opozites, se po refuzon dialogun qe Evropa prej kohesh po i kerkon. "Edi Rama kerkon pushtet me bllokim rrugesh, do pushtet me perplasje, synon pushtetin permes konfliktit. Kelyshet e bllokut kerkojne pushtetin me cdo menyre. Bllokmenet e rinj si eterit, kerkojne pengimin e shqiptareve ne Evrope", theksoi ai. Papa shtoi se pavaresisht deshires se madhe qe bllokmenet e rinj kane per te penguar procesin e liberalizimit te vizave, se shpejti shqiptaret do levizin pa viza. Nga ana tjeter, edhe zedhenesja e selise blu, Erla Mehilli, i kerkoi pergjigje ne emer te Partise Demokratike, Rames se pse ka frike nga sherbimi zyrtar shendetesor. Duke theksuar faktin se prej 13 ditesh, Rama nuk lejon qe sherbimi zyrtar shendetesor te trajtoje grevistet, tha se ky akt i bllokimit te sherbimit zyrtar shendetesor ne "cadrat e burgut" Rama - Ruci, eshte nje dhunim flagrant i te drejtave nderkombetare, i Konventes se Gjeneves dhe Vendimeve te Strasburgut mbi trajtimin e te burgosurve, roberve dhe grevisteve te urise. "Ky akt deshmon qarte dhe perfundimisht se pinjollet e rinj te bllokut jane te gatshem te mos perfillin asnje ligj, asnje norme, asnje standard te nje vendi te lire dhe me ate qe po u rezervojne sot per qellime personale sklleverve te tyre u kujtojne te gjithe qytetareve izolimin e plote qe eterit e tyre i bene Shqiptareve per gjysme shekulli me radhe", theksoi Mehilli. Ajo i kerkoi Rames te beje publike, se cfare fshihet prapa fleteve te cadrave.

Kerkesa
Partia Demokratike i kerkoi dje kryetarit te Partise Socialiste, Edi Rama, qe te lejoje sherbimin shendetesor zyrtar qe te vizitoje grevistet. Madje i kerkoi Rames, se per cfare arsye ka kaq shume frike te hape dyert.

Thirrja
Deputetet e Partise Demokratike, i bene serish thirrje dje socialisteve greviste, qe te dalin nga greva. Mesila Doda, duke iu drejtuar femrave, iu tha atyre te mos ndjekin me kerkesat e nje te semuri si Rama, por te shkojne tek femijet e tyre.