PD: Rama shpif për blerjen e votave, po ka fakte ti çojë në prokurori

Partia Demokratike ka reaguar në lidhje me akuzat e kreut të PS-së Edi Rama se kryeministri Berisha kërkuar të blejë vota të deputetëve për kandidaturën për president.

Në një konferencë për shtyp, zëdhënësja e PD-së duke i ciësuar akuzat e Ramës si shashkën e rradhës së kryesocialistit i kërkoi këtij të fundit se nëse ka prova ti dorëzojë ato në Prokurori.

Sot, Edi Rama, lëshoi shashkën e rradhës dhe akuzoi pa emra, për përpjekjen, që sipas tij Partia Demokratike ka bërë për të korruptuar deputetë të tij. Partia Demokratike, duke hedhur poshtë këto akuza vulgare, produkt i një fantazie të sëmurë, i kërkon zotit Rama, që çdo provë, fakt, apo të dhënë për cilindo, ta paraqesë në Prokurorinë e shtetit, si një detyrim madhor për luftën kundër korrupsionit politik, në të kundërt kjo akuzë mbetet një gënjeshtër e rradhës e bazuar në mashtrim. Dhe do te duhet qe shqiptaret te presin nesër deklaraten e rradhes ne te cilën z. Rama te shpalle se Berisha po tenton ta bleje atë përfundon deklarata e PD-së.