PD: Skema e gjobave te Edi Rames ka larguar investitoret e huaj nga Tirana

Per Partine Demokratike skema e perdorur nga kryetari i Bashkise se Tiranes per gjobitjen e biznesit te ndertimit eshte dhe arsyeja kryesore qe ka larguar nga Tirana investitoret e huaj, ne fushen e ndertimeve. Deputeti i Partise Demokratike, Osman Metalla u shpreh dje se kryetari i Partise Socialiste, njeheresh dhe kryebashkiaku Rama duhet te flas per akuzat qe i jane bere mbi modelin e korrupsionit qe ka ngritur ne kryeqytet. “Skema e gjobitjes te ndertuesve me 20 %, e faktuar me dokumente autentik, eshte arsyeja pse prej 12 vitesh, te huajt nuk lejohen te ndertojne ne Tirane”, u shpreh dje ne nje konference per mediat deputeti Metalla. Nga ana tjeter ai i ka bere thirrje kreut te PS-se qe kete jave pas daljes se akuzave te reja te deputetes Albana Vokshi duhet te flase per mediat dhe te sqaroje para opinionit publik gjithe akuzat. “Prej 4 javesh Mr. 20%, kryestrumbullari i korrupsionit ne Shqiperi e Ballkan, kryetari i bllokmeneve junior, i vetedeklaruar si fakir-fukara, nuk po del nga strofulla e Leprit”, u shpreh Metalla. Ai u shpreh heshtja e Rames gjate javeve te fundit ne lidhje me korrupsionin me lejet e ndertimit ka te beje me publikimin e dokumenteve te reja. “Publikimi i kontrates ku njeri nga zhvilluesit e qytezes “Edvin and Tan Lepri” detyrohet te fuse me 20% aksioner Dritan Avllajn, te njohur si Tan Lepri, ka tronditur thellesisht Edvin Leprin”, tha Metalla. Deputeti demokrat e ka cilesuar si mjaft domethenes faktin qe per aferat e kryetarit te Bashkise se Tiranes kane folur dhe mediat nderkombetare, ne te cilat flitet per gjoben 20 per qind. “Prej shume vitesh, media nderkombetare, quan Edvin Ramen – Mr. 20%-shi. Kontrata ku vetem njeri prej 20 %- ve me vlere fitimi 100 milione euro, detyrohet te vihet ne emer te partnerit te Kryetarit te Bllokmeneve Junior, eshte arsyeja e saj’, u shpreh dje Metalla. Duke u ndalur ne akuzen qe ka bere per kryetarin e Bashkise se Tiranes deputetja e Partise Demokratike, Albana Vokshi, Metalla u shpreh se provat kerkojne pergjigje nga ana e Rames. Nga ana tjeter Metalla ka ironizuar dhe daljet publike te deputeteve te Partise Socialiste, te cilet pas akuzave te PD-se deklarojne se nuk sulmet vijne nga mazhoranca per te terhequr vemendjen nga aferat e publikuara. “Z.Rama: Ku je? Ku je futur? Pse fshihesh pas grave?”, u shpreh dje deputeti i Partise Demokratike Osman Metalla.