PD akuzon Policinë se hodhi gaz lotsjellës brenda selisë blu. Berisha paralajmëron kundër-reagim ndaj selive të PS

Një ditë pas protestës ku Partia Demokratike akuzoi Policinë se hodhi gaz lotsjellës brenda selisë blu, kreu i PD Sali Berisha paralajmëroi sot se “do ketë sulme asgjësuese në selitë e PS në gjithë vendin”.

Kreu i Partia Demokratike, Sali Berisha, e cilësoi hedhjen e gazit në oborrin e PD-së si cenim të pluralizmit dhe paralajmëroi Edi Rama se çdo sulm ndaj selisë së PD do të sjellë kundërpërgjigje ndaj selive të Partia Socialiste e Shqipërisë në gjithë vendin.

Ai akuzoi gjithashtu policinë për inskenim dhune dhe tha se protesta do të vijojë deri në largimin e Ramës.

Kreu i Partia Demokratike, Sali Berisha, e cilësoi hedhjen e gazit lotsjellës dhe bombave tymuese në oborrin e selisë së PD-së si “minim të pluralizmit”. Gjatë një bashkëbisedimi me qytetarët në rrjetet sociale, ai paralajmëroi kryeministrin Edi Rama se çdo sulm ndaj selisë së PD-së do të sjellë kundërreagim në të gjithë vendin ndaj selive të Partia Socialiste e Shqipërisë.

“Në vijim, Berisha hodhi akuza ndaj drejtuesve të Policisë së Shtetit, duke pretenduar se janë inskenuar akte dhune nga protestuesit. Sipas tij, një pjesë e mirë e të arrestuarve nuk kanë qenë kurrë pjesë e protestave të organizuara nga PD, ndërsa shtoi se qëllimi ka qenë diskreditimi i opozitës.”-tha Berisha.

Më tej, Berisha përsëriti akuzat ndaj qeverisë, duke deklaruar se protesta e djeshme dha sinjale të qarta frymëzuese për vijimin e mobilizimit. Ai u shpreh se lëvizja do të vazhdojë deri në largimin e Ramës nga pushteti, duke e cilësuar protestën si pjesë të një përpjekjeje të vendosur, por sipas tij, paqësore.

/rtsh.al/