Tradita që flet në çdo gur të Përmetit, lagjet e vjetra rujnë arkitekturën dhe mikpritjen

Në një prej lagjeve më të vjetra të Përmetit, historia dhe tradita vazhdojnë të jetojnë çdo ditë. Shtëpitë me mure guri, çatitë tradicionale dhe mikpritja e banorëve e kthejnë këtë zonë në një nga pikat më të veçanta të qytetit, që tërheq gjithnjë e më shumë vizitorë.

 Ajo që bie menjëherë në sy është arkitektura e veçantë e ndërtimit të shtëpive, me mure guri, çati tradicionale dhe oborre të rregulluara me kujdes.

Po aq mbresëlënëse është edhe mikpritja e banorëve, të cilët ruajnë me krenari traditat dhe kulturën e zonës.

Në çdo portë që troket ndihet mikpritja e banorëve.

Arkitektura e lagjes tërheq vizitorë vendas dhe të huaj, të mahnitur nga bukuria e saj.

Në Përmet çdo rrugicë, çdo portë, flet për një kulturë që mbetet e gjallë dhe të fton ta vizitosh.

Gazetare : Leonida Koçiu

/rtsh.al/