PD vlereson procesin zgjedhor
Partia Demokratike ka përshëndetur qytetarët shqiptarë për maturinë e treguar gjatë procesit të sotëm zgjedhor.
Ajo ka kërkuar që qytetarët që nuk e kanë hedhur ende në kuti votën e tyre të tregojnë të njëjtat vlera qytetarie.
“Përshëndes dhe falenderoj qytetarët për pjesëmarrjen dhe qytetarinë e treguar në proces. Ju bëjmë thirrje qytetarëve që ende presin në qendrat e votimit që të bëjnë durim për të ushtruar të drejtën e tyre. Vota juaj ka rëndësi për Tiranën dhe gjithë Shqipërinë”, ka deklaruar Jorida Tabaku, kryesuese e listës së këshillit bashkiak të PD.