PS: Rezultati është në kuti, po presim me optimizëm

TIRANË- Kastriot Islami ka reaguar nga selia e PS për të pritur rezultatin përfundimtar pasi sipas tij rezultati është në kutitë e panumëruara dhe jo në të dhënat e Eca-s.

Ai ka përshëndetur rezultatin pozitiv të Tiranës dhe ka bërë thirrje për durim deri në kutinë e fundit. "Të presim rezultain final, siç ndodhi në Tiranë, PS është optimiste dhe pret ndryshime në çdo çast", tha ai. Ndërsa i bën thirrje PD të mos prishë numërimin në ato zona ku e di se votat janë në favor të PS-së. Po kështu i kërkon Berishës të largojë ministrat nga qendrat e numërimit.