PS: Sektorët jetik të vendit po futen në krizë

Partia Socialiste ka dhënë alarmin për disa nga sektorët jetik të vendit të cilat sipas saj po futen në krizë. Deputeti i PS-së Erion Braçe në një konferencë për shtyp duke përmendur disa nga sektorët që sipas tij po futen në krizë si ekonomia , rendi, mbrojtja, arsimi dhe shëndetësia theksoi se Berisha, po vazhdon të thellojë krizën ekonomiko financiare në vend. Sipas kriza ka rrëzuar buxhetin e shtetit dhe arka e shtetit është bosh. Ai shtoi gjithashtu se Sali Berisha po vazhdon teatrin e tij absurd të inaugurimeve për vepra për të cilat arka e shtetit nuk ka para.