PS bllokon rrugen e radhes

FUSHE-ARREZ- Aksidenti tragjik i muajit korrik ne Gjegjan te Fushe-Arrezit, ku dalja e autobusit te linjes Durres-Puke shkaktoi 15 te vdekur, ka nxjerre dje ne proteste banoret e zones. Por burime zyrtare nga Policia e Shkodres, thane dje per gazeten se pas kesaj proteste te organizuar dhe bllokimit te rruges qendrojne anetare te deges lokale te Partise Socialiste. "Nga verifikimet e kryera, asnje prej pjesemarresve ne kete tubim, nuk ka qene pjesetar apo i aferm i familjeve te prekura nga tragjedia e 17 korrikut ne Gjegjan", shpjeguan zyrtare te policise vendore. Edhe te dyshuarit qe u proceduan dhe ndaluan, njihen si anetare te PS-se se zones. Me thirrjet per investimet ne infrastrukturen rrugore, banoret bllokuan per disa minuta rrugen, por nderhyrja e menjehershme e policise vendore shmangu bllokimin e metejshem te qarkullimit te mjeteve dhe shkaktimin e kaosit. Tre prej protestuesve perfunduan ne qeli dhe po procedohen per akuzat "proteste te paligjshme" dhe "bllokim te rrugeve". Ne paraburgim mbeti Pjeter Lika, kurse ne gjendje te lire po hetohen te afermit Bardhok e Artur Ndreu.
Perfaqesia e fshatit Gjegjan, me i prekuri nga aksidenti i fundit tragjik, i beri thirrje autoriteteve shteterore qe te vene dore ne infrastrukturen rrugore, pasi ndodhin dhjetera aksidente ne vit vetem ne kete aks rrugor dhe me shume viktima. "Rruga eshte e vjeter, e demtuar dhe nuk eshte investuar asnjehere", apeluan banoret, duke justifikuar si te drejte protesten e zhvilluar.
Por Policia e Shkodres, ne nje deklarate zyrtare te dites se djeshme, dy ore pas protestes, e quajti te paligjshem grumbullimin dhe se nuk ishte kerkuar leje ne Komisariatin e Pukes per kete tubim. Zyrtare te policise sqaruan se protesta e nisur ne oren 10:00 ne vendin e quajtur "Kryqezimi Hadraj-Gjegjan", ishte e paligjshme, ndersa jane tubuar rreth 50 persona, banore te komunes Gjegjan. "Sherbimet e policise, te mbeshtetura ne kerkesat e ligjit, kane marre te gjitha masat e duhura, duke mos lejuar bllokimin e ketij aksi rrugor", thuhet ne deklarate. Per tubimin e paligjshem perfunduan ne pranga tre persona qe bllokuan rrugen, Pjeter Lika, 46-vjec, Bardhok Ndreu, 33-vjec dhe Artur Ndreu, 26-vjec, banues ne Gjegjan, nga te cilet i pari u arrestua, kurse dy te tjeret u lane per hetim ne gjendje te lire. "Nga ana jone po kryen veprimet e duhura proceduriale dhe hetimore, kurse materialet do i kalojne Prokurorise se Rrethit Gjyqesor Puke, per veprat penale "organizimi dhe manifestimi i paligjshem" dhe "bllokim te rrugeve'", deklaroi policia vendore.
Tragjedia e Gjegjanit, 15 te vdekur nga renia e autobusit
Aksidenti tragjik i Gjegjanit ndodhi pasditen e 17 korrikut ne aksin rrugor Fushe-Arrez-Puke. Autobusi i linjes Puke-Durres, ne rrugen e kthimit nga qyteti bregdetar, ka dale nga aksi kryesor ne nje kthese prane Gjegjanit si pasoje e nje pergjumje te shoferit, duke rene ne nje gremine 50 metra te thelle qe lidhej me lumin Fan. Per pasoje vdiqen 14 udhetare ne vend, mes te cileve gra, femije e te moshuar, ndersa nje femije tjeter nderroi jete nje jave me vone, duke e cuar numrin ne 15 viktima. Disa prej te vdekurve ishin anetare te se njejtes familje, me nga dy dhe tre pjesetare.