PS fare shtyu Rulin te shkele ligjin

“Genc Ruli shau dhe akuzoi këdo që ka guxuar të denoncojë aferën e tij të fundit me një kompani private, por nuk dëgjuam prej tij asnjë argument bindës se përse ai nuk duhet të përfundojë në Prokurori si i pandehur për këtë skandal prej miliona eurosh”, është shprehur në një konferencë për shtyp deputeti i PS-së Saimir Tahiri.

“Pyetja që shtrohet është nëse vështirësitë që has një kompani i japin të drejtën ministrit të shkelë ligjin duke i shkaktuar shtetit një dëm prej miliona eurosh? Pyetja tjetër që shtrohet sot është çfarë mund ta ketë shtyrë vallë Genc Rulin, aferat e skandalet e të cilit me licenca, koncesione, privatizime abuzive e hidrocentrale për të afërm e pushtetarë tashmë kanë marrë dhënë, t’i bëjë një kompanie favore të paligjshme që vlejnë miliona euro?”, shtoi Tahiri.