PS mbledh grupin parlamentar, diskutime për projektligjin për Mbrojtjen e të Dhënave Personale

Grupi parlamentar i PS-së shënoi takimin përmbyllës për këtë vit, duke u fokusuar në përgatitjet për seancën plenare të së enjtes, e cila ka një agjendë të ngarkuar dhe të rëndësishme.

Gjatë diskutimeve, u theksua pozicioni i grupit parlamentar të PS-së në lidhje me draftligjet që pritet të shqyrtohen.

Një vëmendje e veçantë iu kushtua projektligjit për Mbrojtjen e të Dhënave Personale, i cili është plotësisht i përafruar me acquis communautaire, organi i përgjithshëm i ligjit të Bashkimit Evropian.

Ky draft synon të përmirësojë ndjeshëm trajtimin dhe mbrojtjen e të dhënave personale, duke garantuar përputhshmërinë me standardet më të avancuara ndërkombëtare dhe duke forcuar privatësinë e qytetarëve shqiptarë.

Gjatë mbledhjes u theksua se Partia Socialiste është e vendosur të vazhdojë me vendosmëri përmirësimin e kuadrit ligjor në shërbim të qytetarëve, duke forcuar besimin në institucione dhe duke siguruar mbrojtjen e të drejtave themelore të çdo individi.

RTSH