PS mbledh të enjten Asamblenë Kombëtare, zgjidhet kryesia e re dhe drejtuesit e qarqeve

Partia Socialiste do të mbledhë të enjten, 2 shtator, Asamblenë Kombëtare, e para pas zgjedhjeve parlamentare të 25 prillit.

Mbledhja do të zhvillohet në mjediset e Pallatit të Kongreseve, në orën 10:00, mbështetur në statutin e partisë dhe në Rregulloren për Organizimin dhe Funksionimin e Asamblesë Kombëtare të Partisë Socialiste.

Sipas axhendës së publikuar sot, pas hapjes së mbledhjes dhe miratimit të rendit të ditës, do të mbajë një fjalë Kryeministri Edi Rama, njëkohësisht kryetar i Partisë Socialiste.

Në vijim, Asambleja do të zgjedhë Kryesinë e re, drejtuesit politikë të qarqeve dhe sekretariatin ekzekutiv të partisë.