PS padi e re ne Kolegj
Top Channel nga burime pranë Gjykatës së Apelit në Tiranë ka mundur të sigurojë një kopje të kësaj kërkes padie, ku si palë e paditur është Komisioni Qendror i Zgjedhjeve.
Si objekt ankimimi është anulimi vendimit Nr 1160 datë 28-06-2011 i KQZ-se “Për mospranimin e për shqyrtimin e kërkesës ankimore Nr 164 të subjektit Partia Socialiste e Shqipërisë” detyriminin e KQZ-se, të marrë në shqyrtim kërkesën dhe të marrë vendimin bazuar në 4 nene të Kodit Zgjedhor.
Në kërkesën ankimore, e cila mban firmën e sekretarit për cështje juridike në PS, Fatmir Xhafaj thuhet se, arsyetimi i KQZ-se dhe vendimet Nr 1094 të datës 16-06-2011 e numër 1158 datë 23-06-2011, janë treguesi evident i pabazueshmërisë në ligj të vendimit të marrë për mospranimin për shqyrtim të kërkesës ankimore Nr 164 paraqitur nga PS.
Juristët e PS –se argumentojnë se kërkesa animore Nr 164 është në afat dhe është paraqitur përpara organit kompetent KQZ.
Ndërsa arsyetimi KQZ-s është tërësisht i pabazuar në ligj dher akoma më shumë përmban shprehje dhe qëndrime që nuk kanë të bëjnë me fazën e shqyrtimit parashikuar nga neni 130 i Kodit Zgjedhor.
PS thotë se KQZ është kompetente për shqyrtimin e kësaj kërkese nisur nga kërkimi i paraqitur duke u plotësuar kushtet e kërkuar nga nenet 124,130 dhe 160 të Kodit Zgjedhor.
Për sa më sipër PS në ankimimin i kërkon Kolegjit anulimin e vendimit të KQZ Nr 1160 dhe detyrimin e KQZ të shqyrtojë kërkesën ankimore të PS.
Burime nga Gjykata e Apelit pohojnë se në shortin e hedhur për këtë kërkesë ankimore relatore do të jetë gjykatesja Sashenka Jonuzi dhe antarë gjygjtarët Astrit Kalaja, Dhurata Haveri, Meriban Mullai dhe Marie Qirjazi.