PSD: Projektligji i ish te perndjekurve, per fushate

Sekretarja per Marredheniet me Publikun ne PSD, Diana Culi, deklaroi dje se shumica solli edhe nje here ne Kuvend nje projektligj, i cili deshmon katerciperisht se kjo shumice nuk eshte aspak e shqetesuar per te kompensuar te perndjekurit politike, por i perdor keta te fundit per propagande dhe per fushate elektorale. "Eshte kjo shumice, e cila nuk ndalet as perpara te vertetave te historise, duke tentuar te kompensoje, bashke me martiret e demokracise, edhe bashkepunetoret e fashizmit, duke shkelur mbi gjakun e atyre qe dhane jeten per clirimin e atdheut, krahas forcave progresiste te boshtit antifashist", deklaroi sekretarja e Partise Socialdemokrate, Diana Culi. Sipas saj, ky projektligj i fut ne nje kategori patriotet e intelektualet e ndershem te denuar nga diktatura, me bashkepunetoret e fashizmit dhe te nazizmit. Ajo theksoi se ky projektligj nuk eshte gje tjeter, vecse nje tentative e perseritur per t'i perdorur te perndjekurit per fushate elektorale. "Kjo vertetohet edhe me faktin se kjo qeveri nuk do te kete kohe te zbatoje detyrimet, qe do te rridhnin nga ky ligj", argumentoi zyrtarja e larte socialdemokrate.