Pakistan, përmbytjet shkaktojnë 1300 të vdekur

Ky është bilanci më i fundit i përmbytjeve në Kashmirin pakistanez, ndërkohë që viktimat shtohen nga ora në orë.

Situata më e vështirë është në krahinën Punjab të Kashmirit, ku uji ka përmbytur gjithçka ndërsa në shumë zona lartësia e tij është rreth dy metra.

Sipas Organizatës së Kombeve të Bashkuara, 1 milion persona janë prekur nga përmbytjet në Pakistan. Vendi ndodhet në prag të një katastrofe humanitare, teksa nuk ka të dhëna për një përmirësim të motit në ditët në vijim.