Irani po heton tre alpinistët amerikanë për spiunazh

Alpinistët mbahen të arrestuar prej më shumë se një viti në Iran, ndërkohë që Shtetet e Bashkuara kanë bërë thirrje vazhdimisht për lirimin e tyre.

“Veprimet e mundshme dhe synimet e tre të arrestuarve po hetohen nga autoritetet kompetente”, tha zëdhënësi i Ministrisë së Jashtme të Iranit.

Gjatë së premtes presidenti i SHBA-ve, Barak Obama ka kërkuar lirimin e menjëhershëm të tre amerikanëve, duke theksuar se “ata nuk kanë kryer asnjë krim”.