Pas energjise do shtrenjtohet edhe uji
TIRAN- Pas shtrenjtimit te energjise elektrike konsumatoret pritet te perballen edhe me nje rritje te cmimit te ujit te pijshem.
Qeveria synon te shkurtoje shpenzimet ne buxhet te cilat ofrohen ne formen e subvencioneve direkte per sektore te ndryshem. Nder sektoret qe perfitojne subvencione te shumta te cilat pritet te shkurtohen ndjeshem jane ujesjellesit ne te gjithe territorin e vendit.
Sigurisht qe me uljen e subvencioneve direkte nga buxheti ndermarrjet nuk do te kene parate e nevojshme per mirembajtjen e rrjetit dhe ofrimin e sherbimit.
Kete problem qeveria synon ta zgjidhe nepermjet rritjes se te ardhurave nga ky sektor duke permiresuar politikat por edhe duke rishikuar cmimin e ujit te pijshem per te gjithe konsumatoret.
Ekzekutivi e ka shtruar shqetesimin per nivelin e larte te subvencioneve qe i ofrohet ujesjellesve ne buxhetin afatmesem 2011-2013 i cili sapo eshte publikuar ne fletoren zyrtare. Ekzekutivi thekson ne dokument se edhe pse ndermarrjet e ujesjellesve jane trajtuar me subvencione per cdo vit ato vazhdojne te dalin me bilance negative ne fund te cdo 12 mujori duke shkaktuar borxhe te cilat me pas mbulohen me fonde shtese nga buxheti i shtetit.
Pavaresisht nivelit ne ulje te shpenzimeve per subvencione ne raport me PBB-ne shprehim shqetesimin tone lidhur me procesin e subvencionimit te ndermarrjeve te ujesjellesve. Nga ana jone kemi konstatuar qe vit pas viti me gjithe subvencionin e dhene per kete sektor rezulton se keto ndermarrje mbyllin vitin buxhetor me humbje te theksuara duke krijuar borxhe ndaj te treteve te cilat kerkohen te perballohen nepermjet fondeve shtese nga buxheti i shtetit.
Per te evituar rendimin e kesaj situate gjykojme se duhet te ndermerren politika te reja qe synojne rritjen e te ardhurave te ketyre ndermarrjeve duke u fokusuar jo vetem ne mire menaxhim por edhe ne nje analize te thelluar te kostos dhe cmimit te miratuar deri me sot per ujin e pijshem - citohet ne faqet e buxhetit afatmesem 2011-2013 miratuar tashme nga qeveria.
Nisur nga kjo por edhe ne zbatim te direktivave te institucioneve te Bashkimit Evropian qeveria synon te reduktoje ne maksimum subvencionet nga buxheti i shtetit per sektore te ndryshem. Per momentin shuma qe transferohet nga buxheti i shtetit ne formen e subvencioneve eshte sa 0.15 per qind e Prodhimit te Brendshem Bruto. Sipas parashikimeve qe ka bere Ministria e Financave deri ne fund te vitit 2013 subvencionet do te ulen deri ne nivelin e 0.1 per qind te PBB-se.
Pavaresisht parashikimeve per rritjen e Prodhimit te Brendshem Bruto pergjate viteve ne vijim shuma qe do te transferohet nga buxheti i shtetit ne formen e subvencioneve do te vazhdoje te jete 2 miliarde leke.
Reduktimi i subvencioneve nuk do te preke vetem ujesjellesit. Ne dokumentin e buxhetit afatmesem 2011-2013 Ministria e Financave iu sugjeron institucioneve te tjera qe te kene parasysh ndermarrjen e politikave per uljen e subvencioneve direkte nga buxheti i shtetit.
Ne kete menyre sektoret e sherbimeve qe kane qene te trajtuara me subvencione nga buxheti i shtetit duhet te ndermarrin politika te reja per rritjen e performances ne menyre qe te mbulojne me te ardhurat e tyre shpenzimet.
Rasti me i fundit i transferimeve direkte nga buxheti i shtetit ne formen e subvencioneve per ndermarrjet e ujesjellesit eshte shenuar pak jave me pare. Me nje vendim te sajin qeveria ndau 2 miliarde leke nga zera te ndryshem te buxhetit per te paguar borxhet qe ujesjellesit kishin nder vite ndaj Operatorit te Sistemit te Shperndarjes. Vendimi u mor pas ankesave dhe kercenimeve te operatorit per nderprerjen e energjise elektrike per te gjithe debitoret perfshire edhe institucionet shteterore.
Parate u shkurtuan nga zera te ndryshem ne buxhet kryesisht ne portofolin e Ministrise se Puneve Publike dhe Transporteve te cilat parashikohet te merren perseri mbrapsht. Ekzekutivi do tia shkurtoje shumen prej 2 miliarde lekesh njesive te qeverisjes vendore ne varesi te te cilave jane ujesjellesit debitore nga zeri i transfertave te pakushtezuara.