Pasurite e paluajtshme, nis verifikimi ne Shkoder

Te gjithe subjektet private dhe shteterore qe kane te drejta pronesie ne Zonen Kadastrale Nr. 8592 ne Shkoder, duhet te verifikojne pronat e tyre ne Regjistrimin Fillestar te pasurive te tyre. Ne kuader te projektit te Administrimit dhe Menaxhimit te Tokes, per ndertimin e sistemit te ri te Regjistrimit te pasurive te paluajtshme, Zyra Qendrore e Regjistrimit te Pasurive te Paluajtshme (ZQRPP) njofton se ka filluar Afishimi Publik i Regjistrimit Fillestar te Pasurive te Paluajtshme per Zonen Kadastrale Nr. 8592, te qytetit te Shkodres. Ky afishim behet respektivisht ne territorin e kesaj zone dhe me saktesisht, ne Lagjen "Partizani", Rruga "Fahri Ramadani", prane kryqezimit te Shkolles se Muzikes (Pallati Besnik Pangaj). Afishimi i pasurive do te jete per 45 dite me radhe ne menyre qe cdo person te verifikoje pasurine e tij. Ne kete faze te ketij procesi, eshte e rendesishme bashkepunimi i ngushte i te gjithe personave, qe kane te drejte mbi pasurine, me ekspertet, duke verifikuar te dhenat ne listat e afishuara. Ne rast se gjate kesaj faze konstatohen mangesi ne informacionin e afishuar, atehere pronari, si dhe personat qe kane interesa te tjera mbi pasurine, duhet te beje plotesimet e nevojshme dhe t'i paraqese vete ato, brenda afatit te afishimit publik, ne ambientin e afishimit, prane specialisteve te ngarkuar me kete detyre te Zyra Vendore e Regjistrimit te Pasurive te Paluajtshme Shkoder. Te gjitha pretendimet do te shqyrtohen dhe do te paraqiten ne listat e afishuara brenda periudhes se Afishimit Publik. Procesi i Regjistrimit Fillestar eshte falas per te gjithe pronaret dhe personat qe kane te drejta mbi pasurite e paluajtshme. Afishimi Publik i Regjistrimit Fillestar te Pasurive te Paluajtshme mund te shihet edhe ne faqen zyrtare te Internetit te ZRPP-se, www.zrpp.gov.al.