Patos, nafta dhe solari ndotin tokën, në rrezik banorët

Një sipërfaqe e konsiderueshme toke është ndotur me solar dhe naftë bruto pasditen e djeshme në zonën naftëmbajtëse të Marinzës në vendin e quajtur Kthesa e Marinzës. Lajmi është bërë publik nga banorë të zonës , ndërkohë që askush nuk është interesuar që të gjeje shkakun dhe shkaktarët që krijuan këtë gjendje. Sipas banorëve të zonës dy djem adoleshentë kishin çarë njërin prej tubacioneve në një pus naftë nxjerrës që i përket një kompanie

të huaj për shfrytëzimin e tij. Nga përdorimi i forcës mbi tubacion prej dy të rinjve ka rezultuar se tubi është carë dhe sasi e konsiderueshme solari dhe nafte bruto ka pushtuar tokat dhe të mbjellat. Pas, njoftimit të marrë, punonjësit e firmës së huaj kanë shkuar me automjete dhe kanë bërë të mundur kanalizimin e lëndës djegëse që përdoret si hollues i naftës bruto duke e grumbulluar atë në gropë. Nga ana e tyre nuk është marrë asnjë lloje mase për njoftim të policisë për të gjetur shkaktarët e kësaj ngjarje por nga ana tjetër edhe banorët e zonës që ndeshen çdo ditë me këto ngjarje duan dëmshpërblimin për shkak të ndotjes e sipërfaqeve të tokës me solar apo naftë bruto pasi në to, ata kanë mbjellë prodhimet e tyre me te cilat mbajnë familjet gjallë.
O. Filka