Peci: Po sillni ligje qe s'kane lidhje me reformen ne drejtesi

Edlira Prendi
Deputeti Spiro Peci kritikoi ashper mbreme Ministrine e Drejtesise dhe Kuvendin per mungese serioziteti per reformen ne kete sektor. Peci fillimisht kritikoi Kuvendin qe perfshiu ne punimet e seancave te mesjaves, disa projektligje per sistemin e drejtesise. Sipas Pecit, kryetar i gjithepranuar nga partite ne tryezen presidenciale per drejtimin e komisionit te reformes ne drejtesi, nuk mund te vulgarizohej kjo ceshtje ne ate qe e quajti "menyra me banale". "Te kater keto projektligje, me perjashtim te projektit qe ka te beje me organizimin e pushtetit gjyqesor, nuk kane te bejne fare me reformen ne drejtesi. Keto kane te bejne me ceshtje te tjera, por qe nuk ndikojne fare as me problemet e ceshtjes se pavaresise se gjyqesorit, as me transparencen, as per luften kunder korrupsionit ne gjyqesor. Jane ceshtje qe nuk kane te bejne me reformen ne drejtesi", - tha Peci, deputet i pavarur, fitues ne 3 korrik 2005 ne zonen 98, Delvine-Himare, dhe i njehsuar me qendrimet politike te Partise Bashkimi per te Drejtat e Njeriut. Peci u tregua i rrepte me Ministrine e Drejtesise, kur tha se ky dikaster po punon ngadale per sa u perket ligjeve qe duhet te sjelle per reformen ne drejtesi. Sipas Pecit, "vullneti i shprehur nga te dyja palet per reformimin e sistemit te drejtesise duhet te gjeje jo vetem deshiren, por edhe shpejtesine, vecanerisht nga Ministria e Drejtesise, per te sjelle ne Komisionin e Ligjeve ato projekte qe kane te bejne me reformen ne drejtesi". Ish-ministri i Drejtesise, Peci, reagoi lidhur me deklaratat e diteve te fundit te krereve te mazhorances, kryeministrit Berisha dhe kryeparlamentares Jozefina Topalli, lidhur me ndryshimet ne Kodin Civil dhe Kodin Penal. Sipas tij, "do te ishte e arsyeshme qe bashkerisht te shikonim edhe ligjin per organizimin dhe funksionimin e Keshillit te Larte te Drejtesise. Keto detyra do te ishin hapi i pare me i rendesishem per reformen ne drejtesi. Pasi nuk mund te quajme te mbaruar reformen ne drejtesi me disa ndryshime qe duam t'i bejme Kodit Civil apo Kodit Penal". Peci shtoi se domosdoshmeri per nderhyrje eshte ligji per organizimin dhe funksionimin e pushtetit gjyqesor ne Republiken e Shqiperise. Ai u beri thirrje te gjithe parlamentareve qe te mos bejne deklarata paraprake, qe ne janar te filloje dhe te miratohet ky ligj, pasi kjo kerkon nje angazhim serioz e te vecante per ta mbyllur me sukses punen.
PS-PD
Por kritikat e Pecit u ndodhen perballe angazhimit te plote qe shprehen socialistet dhe demokratet per ta kryer reformen ne drejtesi. Qendrimin parimor e shprehu me qarte opozita, e cila theksoi nepermjet kryetares se deputeteve te PS-se, Valentina Leskaj, se kjo force mbetet serioze per kete reforme, e cila kushtezon ftesen per ne NATO. Leskaj tha se mazhoranca duhet te jape prove besimi, pasi deri tani nuk ka qene e besueshme. Duke iu referuar reformes ne drejtesi ajo u shpreh se, per nje drejtesi jashte politikes duhen depolitizuar te gjitha strukturat e sistemit. Ajo u shpreh per nje angazhim te PS-se per reformen ne drejtesi, duke e konsideruar si nje reforme te rendesishme per integrimin e Shqiperise ne strukturat euroatlantike, vecanerisht ne NATO. Leskaj nenvizoi se mazhoranca deri me sot nuk ka dhene prova serioziteti per reformen ne drejtesi dhe i mbetet ta tregoje ne vitin ne vijim, ndersa PS ka qene serioze ne angazhimin e saj per kete reforme. "Ne jemi serioze dhe jemi te angazhuar per sa i takon reformes ne drejtesi, e cila kondicionon edhe marrjen e fteses per anetaresim ne NATO", - tha Leskaj, ndersa shtoi se ne PS nje grup ekspertesh po punon mbi propozimet qe do te shpalle kjo force per reformen ne drejtesi. PS-ja kerkoi qe seanca te shtynte diskutimin dhe miratimin e ndryshimeve ne Kodin Penal dhe Kodin Civil, si dhe te projektligjit "Per organizimin e pushtetit gjyqesor ne Republiken e Shqiperise". Leskaj theksoi se "paketa e sotme e projektligjeve qe kane te bejne me ndryshime ne kode duhet te jene pjese e Komisionit parlamentar te Ligjeve ne muajin janar" dhe se "ne s'jemi kunder ketyre ndryshimeve". Mandej, per te mos mbetur prapa, kryeministri Berisha kujtoi se per te dy reformat, ne drejtesi dhe ate zgjedhore, qeveria dhe aleatet e saj jane te perkushtuar. Kryeministri vecoi se "te gjitha forcat politike jane per nje drejtesi te pavarur, per nje drejtesi ne perputhje me ligjin" dhe uroi qe palet te punojne "per reformen me te mire ne drejtesi, pasi vertet ajo ka dale nga vartesia politike, por me kete reforme ne duhet t'i japim pergjigjen me te mire problemeve ne sistemin e drejtesise". Ai pranoi megjithate, se per reformen zgjedhore "eshte e vertete qe deri tani nuk kemi nje fryt konkret, por bisedime intensive jane zhvilluar dhe ne e kemi thene se do te pranojme sistemin zgjedhor qe do te propozoje opozita".