Pedagoget, page shtese per udheheqjen e doktoraturave

Pedagoget te cilet do te udheheqin doktoraturat e ketij viti, do te perfitojne nje pagese prej 100 per qind te ketyre oreve shtese. Sipas nje udhezimi te dale se fundmi nga Rektorati i Universitetit te Tiranes parashikohet qe stafi akademik qe do te udheheqe dhe do te beje oponencen e tezave te doktoratures, perfiton shtese ne page. Rektori i Universitetit te Tiranes, Dhori Kule ka firmosur udhezimin e ri per ngarkesen e personelit akademik ne varesi te tij, pasi me pare ministri i Arsimit, Myqerem Tafaj kishte shqyrtuar udhezimin nr.20, date 09.05.2008 "Per veprimtarine e personelit akademik ne institucionet publike te arsimit te larte", ne te cilin jane bere vetem dy ndryshime. Konkretisht ne piken 12 te ketij udhezimi eshte shtuar nje paragraf qe ka te beje me pagesen e pedagogeve qe udheheqin teza doktorature, ndersa jane shfuqizuar edhe dy shkronja te saj qe perkatesisht jane: d)udheheqje teze doktorate 90 ore mesimore/vit; k)oponence teze doktorate 20 ore mesimore/oponence. Sipas ndryshime te bera, personeli akademik qe angazhohet me udheheqje teze doktorature dhe oponence teze doktorate konsiderohen ngarkese jashte ngarkeses mesimore vjetore. Ndersa pagesa do te kryhet sipas akteve ne fuqi. Pedagoget e Universitetit te Tiranes, qofshin te brendshem apo te jashtem do te paguhen 100 per qind per oret shtese. Rektori i ketij universiteti, Dhori Kule, vendosi pak kohe me pare ta zgjidhte kete "ngerc" ne institucionin qe ai drejton, duke nxjerre nje udhezim te posacem per pagesen e pedagogeve. Por urdhri i nxjerre nga rektori i Universitetit te Tiranes, pervec zbatimit per vitin akademik 2009-2010, do te kete edhe efekt prapaveprues. Ne udhezimin per pagesen e pedagogeve, qe mban firmen e Dhori Kules, percaktohet qe: "Te kryhet pagesa ne masen 100 % per tejkalimin e ngarkeses mesimore te realizuar nga personeli akademik efektiv i Universitetit te Tiranes, per vitin akademik 2008-2009". Pas nxjerrjes se udhezimit te ri per pagesen e pedagogeve, Rektorati i Universitetit te Tiranes ka urdheruar drejtuesit e tete fakulteteve ne varesi te tij si dhe kancelaret qe te zbatojne Kodin e Punes sa i perket oreve mesimore ne ditet e pushimit, ku pagesat do te jene minimalisht dy here me te larta se ne ditet normale. Po ashtu, atyre do t'u lihen hapesira edhe per te caktuar tarifa te vecanta per nje ore mesimi ne fakultete. Me ndryshimet e fundit, mesatarisht nje pedagog do te marre ne nje vit akademik rreth 300 mije leke mbi pagen. Urdhri, qe mban firmen e rektorit Dhori Kule, eshte dhene bazuar ne situaten faktike te konstatuar per problemin e pageses se personelit akademik per tejkalimin e ngarkeses mesimore per vitin akademik 2008-2009, si dhe pagesen e pedagogeve te jashtem per ngarkesen e realizuar

Masat
Nese pedagoget nuk do te plotesojne te gjitha kushtet e parashikuar ne udhezim do te kete ndeshkime. Pikesepari behet fjale per moszbatimin e udhezimit per te mos dhene mesim edhe ne nje universitet privat, i cili eshte pasuar me kete te pageses per oret shtese. Sipas rektorit te Universitetit te Tiranes, nese udhezimet do te shkelen, masa ndeshkimore eshte pushim nga puna. Udhezimi per t'i paguar pedagoget ne masen 100 per qind per oret shtese eshte marre fill pas nxjerrjes se vendimit po nga rektori i Universiteti te Tiranes, per te mos i lejuar pedagoget qe te jepnin mesim dhe ne privat. Nepermjet ketij udhezimi, rektori Kule kerkon qe t'i jepet zgjidhje interpretimit te ligjit "Per arsimin e larte", e mbi te gjitha udhezimit te Ministrise se Arsimit, per pagesat e stafit akademik kur tejkalohet ngarkesa mesimore. Ky i fundit eshte kundershtuar jo pak nga trupa akademike e universiteteve.