DPAC: Hetim te hollesishem ngjarjes se rende
Drejtoria e Pergjithshme e Aviacionit Civil do mbroje te drejtat e pasagjereve, duke i shkuar deri ne fund hetimit ne lidhje me transferimin e destiancionit te avionit, tha dje per mediat, drejtori i Pergjithshem te Aviacioni Civil , Ervin Mazniku. Ai nenvizoi se, rasti ne fjale eshte nje ngjarje e rende per aviacionin shqiptar, ndersa tha se autoritetet sllovake po pergatisin nje raport te hollesishem per situaten, raport i cili do te mberrije shume shpejt edhe ne Shqiperi. "Me duhet te sqaroj se, ajo qe ka ndodhur mbreme me avionin dhe ekuipazhin e Kompanise "Air Slovakia", te kontraktuar nga ana e kompanise "Albanian Airlines" eshte nje rast mjaft i rende ne historine e aviacionit civil shqiptar dhe ate nderkombetar", tha Mazniku. Per te vleresuar dhe per t'ju pergjigjur sa me shpejt situates, ai tha se, u angazhuan strukturat perkatese institucionale shteterore, Ministria e Puneve Publike, Transportit dhe Telekomunikacionit, Ministria e Jashtme, Agjencia Kombetare e Trafikut Ajror, ambasada e Republikes se Shqiperise ne Vjene dhe ambasada jone ne Republiken Ceke, aeroporti nderkombetar i Tiranes "Nene Tereza", si dhe Ambasada e Republikes Sllovake ne Shqiperi. "Ne si DPAC kemi vendosur kontakte qe naten e kaluar me Drejtorine e Aviacionit Civil Sllovak, dhe ne baze te procedures standarde te aviacionit civil nderkombetar, Bordi Sllovak i Mbikeqyrjes se incidenteve dhe Aksidenteve, nen juridiksionin e te cilit bie incidenti, po verifikon rrethanat e incidentit si dhe ka kerkuar raport te hollesishem nga "Air Slovakia" sqaroi, drejtori i DPAC, Mazniku. "Sipas kontakteve qe kemi bere me ta, ky raport pritet te vije se shpejti", shtoi ai. Ai siguroi se, drejtoria e Aviacionit Civil Shqiptar do t'i shkoje deri ne fund hetimit te ketij incidenti te rende dhe do te perdore fuqine qe i jep ligji, per garantimin e te drejtave te pasagjereve edhe ne te ardhmen. Mazniku tha se, DPAC do te njoftoje per kete incident, organet kompetente te Komunitetit Evropian, pergjegjese per sigurine ne fluturim.