Peleshi: Bashkëpunimi me Italinë është një shembull i suksesshëm i partneritetit rajonal në fushën e sigurisë
Ministri i Mbrojtjes, Niko Peleshi u shpreh të mërkurën se Forcat e Armatosura po punojnë çdo ditë për rritjen e profesionalizmit dhe modernizimin në armatim, pajisje dhe mjete.
Ministri bëri të ditur se për përdorimin sa më të mirë të armëve të reja italiane, efektivët e Policisë Ushtarake bashkë me karabinierët italianë kryen qitje të avancuar operacionale, për të përmirësuar aftësitë profesionale mbi taktikat, teknikat dhe reagimet me armët e zjarrit.
“Ky bashkëpunim është një shembull i suksesshëm i partneritetit të ngushtë rajonal në fushën e sigurisë dhe mbrojtjes”, shkruan Peleshi në rrjetet sociale.
/rtsh.al/