Pendohet “talebani” gjerman

Një ish-neo-nazist gjerman, që u bashkua me talebanët për të sulmuar një bazë amerikane pranë kufirit afgano- pakistanez, i tha një gjykate gjermane se kishte bërë një gabim të tmerrshëm.

Gjermani Thomas U., tha se i vjen shumë keq që u bashkua me grupimin Muxhahedinët Talebanë Gjermanë.

Ai madje tha se kishte udhëtuar me të shoqen në kufirin afgano- pakistanez për t’u bërë terrorist.

Ai u ankua se bashkëluftëtarët e tij ishin të varur nga droga, mungonte higjiena, ai u sëmur me hepatit A, kurse shokët e tij vriteshin në mënyrë të tmerrshme nga helikopterët pakistanezë.

Ai deklaroi përpara gjykatës se gruas së tij nisi t’i mungonte shumë jeta e rehatshme, super-marketet dhe celulari i saj.

Thomas U, 27 vjeç, akuzohet se ka qenë pjesë e talebanëve që nga dhjetori 2009 deri në korrik 2010. Ai është nën akuzë për pjesëmarrje në një sulm ndaj një baze amerikane.

Ai pagoi 5 mijë euro për të udhëtuar drejt kufirit afgano- pakistanez dhe u trajnua në përdorim armësh dhe eksplozivash.

Por në prill të vitit 2010 themeluesit e grupit Muxhahidinët Talebanë Gjermane u vranë gjatë një sulmi dhe terroristi i dështuar nisi të ndjente keqardhje për vendimin e tij.

Gjermani, 1.87 metra i gjatë u katandis në 53 kilogram pasi mori hepatit A.