Pep mohon zërat për një largim nga City: Kam edhe një vit kontratë

Një video në rrjetet sociale e Guardiolës në fushën e stadiumit Etihad, duke shfaqur të gjithë trofetë që ai fitoi si trajner i City-t, dukej si një mënyrë e veçantë për t’i thënë lamtumirë Manchester-it pas 10 vitesh. Kishte gjithashtu një keqkuptim në lidhje me festën që klubi po përgatit për të shënuar fundin e marrëdhënies së tij me Bernardo Silvën pas një jete si një “cityzen”, të cilën disa e interpretuan si një provë gjenerale për t’i dhënë lamtumirën trajnerit.

 Vetë Pep mori përsipër të sqaronte çështjet: “Kam ende një vit të mbetur në kontratën time”. Përgjigja e tij për ata që vazhdojnë ta pyesin nëse ky është sezoni i tij i fundit në Manchester është gjithmonë e njëjtë.

Pastaj duhet të kuptojmë nëse kjo është e vërtetë apo thjesht një mashtrim i madh. Ata që e njohin mirë nuk po japin asnjë të dhënë për të ardhmen e tij. Ajo që është e sigurt është se, në fund të këtij sezoni ose të ardhshëm, Guardiola do të marrë një pushim, ngjashëm me atë që ndodhi pas periudhës së tij të artë katërvjeçare te Barcelona.

Ai mori familjen e tij dhe shkoi në Neë York përpara se të pranonte ofertën nga Bayern. Është e vështirë ta imagjinosh duke punuar për një klub tani. Ai ka të ngjarë të kërkojë një shans në një ekip kombëtar. Përveç Spanjës, për arsye të qarta, mbetet për t’u parë se cili nga ekipet e mëdha do të dalë me kocka të thyera nga Kupa e Botës.