Për veriun tri dialogje

Përfaqësuesi i zyrë së BE-së në Prishtinë, Samuel Zhbogar ka vlerësuar se çështja e Kosovës nuk mund të ketë zgjidhje afatgjatë përderisa dialogu rreth normalizimit të marrëdhënieve nuk zgjerohet, parasë gjithash edhe ai i bisedimeve të institucioneve të Kosovës me serbët e veriut.

“Në qëllimin e zgjidhjes së çështjes së Kosovës duhet udhëhequr tri lloje të dialogut. Një i cili ka filluar midis Kosovës dhe Serbisë për normalizimin e marrëdhënieve, të dytin duhet të udhëheqin institucionet e Kosovës me njerëz nga veriu dhe të tretin të cilin do ta udhëheqin serbët e veriut me serbët në jug të lumit Ibër”, ka thënë Zhgogar për mediat serbe.

Ai ka thënë se e dinë që Prishtina ka mjaft ide se si do ta zgjidhte çështjen e veriut.

“Ato, sipas të gjitha gjasave, do të mund të shtrohen në Bruksel në takimet e radhës me Serbinë pas të cilave mund të arrihet deri te dialogu i vërtetë me njerëz të veriut. Është e sigurt se deri aty duhet ardhur, pasi që vetëm kështu situata atje mund të ketë zgjidhje afatgjate”, ka thënë, ndër të tjera, Zhbogar.