Përfitoi mbi 33 mijë euro duke mashtruar shoqërinë shqiptare, ekstradohet nga Gjermania shtetasja rumune
Ekstradohet nga Gjermani në Shqipëri, 37-vjeçarja rumunase e cila përfitoi 33 mijë e 500 euro duke mashtruar nëpërmjet emaileve fiktive, përfaqësuesit e një shoqërie shqiptare.
Aurelia Bratianu është dënuar nga Gjykata e Rrethit Gjyqësor Tiranë, në vitin 2022, me 5 vjet burgim për veprën penale “Mashtrimi kompjuterik”.
Gjatë periudhës mars-prill të 2019-ës, 37-vjeçarja përfitoi shumë e sipërpërmendur duke mashtruar përfaqësuesit e një shoqërie tregtare shqiptare në fushën e shitblerjes së pjesëve të automjeteve, duke iu dërguar emaile nga llogari me kredenciale shumë të ngjashme me kredencialet e llogarive të bashkëpunëtorëve të shoqërisë, jashtë shtetit.
“Përfitoi rreth 33 500 euro, duke mashtruar nëpërmjet emaileve fiktive, përfaqësuesit e një shoqërie shqiptare, ekstradohet nga Gjermania, shtetasja rumune.
Në vijim të bashkëpunimit me partnerët ndërkombëtarë, me objektiv lokalizimin, kapjen dhe ekstradimin e shtetasve të shpallur në kërkim ndërkombëtar, u finalizua procedura për ekstradimin nga Gjermania, në Shqipëri, të shtetases rumune, Aurelia Bratianu, 37 vjeçe.
Ajo kërkohej ndërkombëtarisht, sepse Gjykata e Rrethit Gjyqësor Tiranë, në vitin 2022, e ka dënuar me 5 vjet burgim, për veprën penale “Mashtrimi kompjuterik”.
Gjatë periudhës mars-prill, 2019, ajo përfitoi rreth 33 500 euro, pasi mashtroi përfaqësuesit e një shoqërie tregtare shqiptare në fushën e shitblerjes së pjesëve të automjeteve, duke iu dërguar emaile nga llogari me kredenciale shumë të ngjashme me kredencialet e llogarive të bashkëpunëtorëve të shoqërisë, jashtë shtetit.
Zbardhja e kësaj skeme të mashtrimit kompjuterik u realizua falë bashkëpunimit të ngushtë ndërmjet Policisë shqiptare dhe autoriteteve të Mbretërisë se Bashkuar”, thuhet në njoftim.
/rtsh.al/