Përfundon rinumërimi i votave

Ora 15 e 30 minuta e së martës ka shënuar edhe fundin e tërë proçesit të rinumërimit të 760 kutive të votimit (40 për qind të numrit të përgjithshëm të kutive) në Qendrën e Numërimit dhe Rezultateve, ndërkohë do të vazhdohet me proçesin e futjes së të dhënave edhe me proçedurat e tjera.
Paralel me këtë po vazhdon edhe auditimi i formularëve. Sipas kryeshefit të sekretariatit të KQZ-së, Xhemajl Peqani, gjithçka do të bëhet e ditur pas raportit përfundimtar të QNR-së, persa i takon rezultateve perfundimtare.