Përkeqësohet gjendja e Mandela-s, Afrika e Jugut lutet për të (FOTO)

Afrikë e Jugut- Presidenti i Afrikës së Jugut Jacob Zuma ka anulluar një udhëtim në Mozambik të enjten pas vizitës që i bëri ish-liderit Nelson Mandela, 94 vjeç, i cili mbetet në gjendje kritike për jetën në një spital Pretoria.

Zëdhënësi i zotit Zuma, Maharaj tha se gjendja e tij ishte përkeqësuar “në 48 orët e kaluara”.

Presidenti i parë i zi i Afrikës së Jugut ka qenë në spital që nga 8 qershori, me një infeksion të mushkërive të përsëritur.

“Mjekët janë duke bërë gjithçka për të siguruar mirëqenien e tij”-, thuhet një deklaratë.

Të martën, një klerik u lut për “fundin paqësor” të zotit Mandela.

Gjithashtu të martën u vizitua nga Zindzi bija e zotit Mandela, e cila tha se babai i saj kishte “hapur sytë dhe buzëqeshur”.

Zoti Zuma pritej të merrte pjesë në një samit rajonal në kryeqytetin Maputo Mozambican të enjten, por vendosi të anulojë udhëtimin e tij.

Deklarata nga zyra e tij tha se ai “përsërit mirënjohjen e tij në emër të qeverisë, për të gjithë afrikanëve të jugut të cilët vazhdojnë të mbështesin familjen Madiba”.

Z. Mandela, i njohur me emrin e tij Madiba, është nderuar për të udhëhequr luftën kundër sundimit të pakicës së bardhë në Afrikën e Jugut dhe pastaj duke predikuar pajtimin pavarësisht se u burgos për 27 vjet.

Atij ju dha Çmimi Nobel për Paqe në vitin 1993 dhe u zgjodh president vitin e ardhshëm. Ai u largua nga postin në vitin 1999, pas një mandati të vetëm.

Z. Mandela u tërhoq nga jeta publike në vitin 2004 dhe rrallë shihet në ngjarjet zyrtare që nga ai vit.

Ai ka një histori të gjatë të problemeve të mushkërive dhe u diagnostikua me tuberkuloz në vitin 1980, ndërsa ai ishte një i burgosur në Robben Island.

Pas lirimit të tij, zoti Mandela tha se tuberkulozi është shkaktuar ndoshta nga lagështia në qelinë e tij të burgut.

Dorina Bilbili/IDEA/