Përleshje mes KFOR dhe serbëve në Mitrovicë

Gjatë ditës së sotme janë regjistruar përplasje mes forcave të KFOR dhe serbëve që kanë ngritur barrikadat në veri të Kosovës.

Një zëdhënës i forcave paqeruajtëse në Kosovë ka njoftuar se KFOR-i ka përdorur gazin lotsjellës për të shpërndarë një turmë protestuesish serbë, të cilët përpiqeshin të ndalnin aksionin për zhvendosjen e një barrikade.

Mësohet se ushtarët e KFOR-it kanë hequr sot me mjete të blinduara barrikadën në Jagnjenicë, te Zubin-Potoku, në veri të Kosovës.

Pas këtij aksione, janë dëgjuar sirenat, pas së cilës një numër i madh i qytetarëve serbë janë drejtuar te barrikada që është vendosur në rrugën Mitrovicë-Zubin-Potok, raporton B92.