Permbajtja e marreveshjes Kosove-Serbi
Qeveria e Kosovës ka bërë publike përfundimet e arritura ndërmjet Kosovës dhe Serbisë gjatë së premtes mbrëma në Bruksel.
Të dyja palët, si Kosova dhe Serbia, shkurtesën IBM, që zakonisht i referohet “menaxhimit të integruar të kufirit” do të mund ta intepretojnë sipas interesave të tyre, kjo pasi siç sqarohet në letrën e konkluzioneve, njëra palë e njeh vijën si “kufi”, në këtë rast Kosova, ndërsa pala tjetër, Serbia, e njeh vijën si “kufi administrativ”.
Janë gjithësej 8 konkluzione për të cilat palët kanë rënë dakort, pas bisedimeve maratonike. Në pikën dy shkruhet se palët nën drejtimin e përgjithshëm të BE-së, do ta zbatojnë konceptin IBM. Palët kanë për qëllim që të instalojnë gradualisht objekte të përbashkëta dhe të sigurta në të gjitha vendkalimet e tyre të përbashkëta të IBM-it.
Këto objekte të përbashkëta, të integruara, të vetme dhe të sigurta, do të vendosen brenda një zone të përbashkët të vendkalimeve, të shënuara bashkërisht, ku zyrtarët e secilës palë kryejnë kontrollet përkatëse.
Siç thuhet në këtë marrëveshje, përjashtimisht dhe kufizuar vetëm në zonat e përbashkëta të vendkalimeve të IBM-it, palët nuk do të shfaqin simbolet e juridiksioneve të tyre përkatëse. Misioni i Bashkimit Europian, EULEX, do të jetë prezent në të 6-të pikat kufitare që lidhin Kosovën me Serbinë.
Palët janë marrë vesh që “në thelb të marrëveshjes do të jenë përgjegjësitë dhe detyrimet e qarta ligjore në fuqi sipas juridiksionit të secilës palë”. Ndërsa, në konkluzionin e parafundit shpjegohet se do të jetë “një grup trepalësh implementues, i kryesuar nga BE, që do të formohet për zbatimin e marrëveshjeve të lartëpërmendura, sa më parë që të jetë e mundur”.
Po në këtë pikë thuhet se për këtë qëllim një “Protokoll Teknik” do të hartohet dhe nënshkruhet, nëse është e nevojshme ndarazi me BE-në, që do t’i marrë parasysh pikëpamjet e ndryshme të palëve lidhur me çështjen e statusit”.
Në konkluzionin e fundit, të tetin, precizohet se “kjo marrëveshje nuk përfshin asnjë çështje të përgjithshme ose të veçantë që ka të bëjë me çështjet e importit”.
Këto konkluzione u arritën pas 30 orë negociatash, në raundin e fundit të dialogut teknik për këtë vit.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga Kosova Marrëveshja me Serbinë, opozita kundër
Vetëm pak orë pasi Kosova dhe ai i Serbia arritën marrëveshje për Menaxhimin e Integruar të Kufirit”, subjektet politike opozitare kanë kundërshtuar me deklarata të fuqishme. Kosova: Serbia na njohu
Marreveshja e arritur ndermjet pales kosovare dhe asaj serbe rreth çeshtjes se kufijve, sipas zevendes/kryeministrit Hajredin Kuçi tregon se Serbia ka njohur zyrtarisht kufijte e Kosoves. Thaci: Dialogu, asgjë jashtë “Ahtisarit”
Kryeministri kosovar Hashim Thaci ka deklaruar se shteti i Kosovës i ka shumë të qarta vijat e kuqe përsa i përket dialogut për cështjet teknike me Serbinë. Engel: Kosova, territor 100 për qind
Kongresmeni amerikan Eliot Engel ka deklaruar se ngjarjet e fundit në veri të Kosovës janë organizuar nga grupe kriminale serbe, të cilat sipas tij synojnë ndarjen e shtetit të ri. Bisedimet, arrihet në parim marrëveshja
Kosova dhe Serbia arritën marrëveshje për menaxhimin e integruar të kufijve në ditën e 3-të të bisedimeve të ndërmjetësuara nga BE.
Lajmet kryesore
Ndahet nga jeta Sabri Godo
Shkrimtari dhe politikani ndërron jetë në moshën 82-vjeçare, e diela Ditë Zie Kombëtare
Përcillet me nderime në banesën e fundit Leka Zogu
Analistët: Zgjedhjet në PS... pa frymëzim
Vetëvritet administrator i “Carrefour”