Përmbytje të mëdha në Australi

Zyrtarët në Australi thanë se vërshimet në veri-lindje të vendit kanë mbuluar një zonë të madhe sa Franca dhe Gjermania së bashku.

Zyrtarët thanë se vërshimi më i keq në Australi në 50 vjetët e fundit ka përmbytur ose izoluar 22 qytete dhe ka prekur më shumë se 200 mijë njerëz.

Vërshimi ka çuar në mbylljen e portit më të madh të eksportit të sheqerit dhe ka mbyllur minierat e qymyrit në shtetin Kuinsland.