Permbytjet 2010 qeveria shkurtoi fondet

Rishikimi i buxhetit të shtetit në mes të vitit 2010, si pasojë e planifikimit të dobët, solli shkurtimin e fondeve të domosdoshme për infrastrukturën e kullimit e vaditjes dhe mund të ketë pasur rol në përmasat e përmbytjeve në zonën e Shkodrës në janar të këtij viti.

Sipas lajmit të botuar ditën e sotme në gazetën “Shqip”, diçka e tillë është bërë e ditur nga relacioni shoqërues për buxhetin faktit të vitit 2010, i cili po diskutohet aktualisht në Kuvend.

”Me buxhetin e rishikuar për vitin 2010 në infrastrukturën e kullimit, ujitjes dhe mbrojtjes nga përmbytja, janë akorduar 603 milionë lekë investime dhe kjo për objektet
e kullimit, mbrojtjes nga përmbytja, ujitje dhe mirëmbajtje argjinaturash e rehabilitime digash të rezervuarëve në 12 borde kullimi.

Duhet thënë se një nga projektet kryesore, “Rehabilitimi i argjinaturës së Çasit, Shkodër, prej 50 milionë lekësh, nuk u realizua”, thuhet në relacionin e buxhetit faktik për vitin 2010.

Argjinatura e Çasit pranë Velipojës ka edhe një stacion pompimi që po rehabilitohet në fakt këtë vit me fonde të Bankës Botërore. Rajoni i Shkodrës u godit nga përmbytjet me përmasa katastrofike në fillim të këtij viti.

Mijëra shtëpi dhe biznese u përmbytën nga ujërat, gjë që shkaktoi miliona euro dëme.
Qeveria pati programuar 1.7 miliardë lekë investime (rreth 13 milionë euro) për programin e menaxhimit të infrastrukturës së kullimit dhe ujitjes për vitin 2010.

Por në korrik 2010, pasi u pa se ekonomia po ecte më keq nga pritshmëritë, qeveria miratoi një buxhet të rishikuar, ku investimet për infrastrukturën e
kullimit dhe ujitjes u reduktuan në 647 milionë lekë (rreth
4.8 milionë euro).

Nga këto, Ministria e Bujqësisë, Ushqimit dhe Mbrojtjes së Konsumatorit e pa të arsyeshme të shpenzonte vetëm 77 për qind të planit, duke i bërë investimet tërësisht
të pamjaftueshme për të shmangur përmbytjet.

Zona e Nënshkodrës u përmbyt në janar 2010 dhe në janar 2011 dhe problemet e
nevojat për investime ishin të qarta, por përmbytjet, të cilat i kushtojnë buxhetit të shtetit shumë herë më tepër se sa investimet e mirëmbajtjes së infrastrukturës së kullimit,
duket se nuk qenë të mjaftueshme për t’i dhënë prioritet këtyre investimeve.

Nuk është e qartë se në çfarë përmasash mungesa e investimeve ka shkaktuar përmbytje apo rëndim të situatës së përmbytjeve, por është e qartë se e njëjta situatë po përsëritet edhe këtë vit.

Të dhënat e detajuara të buxhetit të rishikuar të qeverisë, të cilat u publikuan së fundmi, vënë në dukje se shpenzimet për kullim e vaditje ishin planifikuar në masën 3.76 miliardë lekë (rreth 27 milionë euro) në fillim të vitit, por u shkurtuan në 2.67 miliardë lekë ose 40 për qind më pak.

Për më tepër, në gjashtëmujorin e parë, Ministria e Bujqësisë ka realizuar vetëm
3 për qind të planit të shpenzimeve kapitale vjetore në ujitje e kullim dhe ka premtuar se do të realizojë investimet në tre muajt që mbeten para fillimit të shirave të tetorit.

if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga ekonomia Lehtësirat për biznesin, Shqipëria, vendi i 64-t
Shqipëria është vendi i 64-t më i mirë në botë për të ngritur një biznes. Në klasifikimin e përvitshëm të revistës prestigjoze ekonomike “Forbes” për shtetet që kanë lehtësirat më të mëdha në këtë aspekt, vendi ynë renditet një pozicion më lart se 12 muaj më parë. Një ngjitje e vogël që nuk ka të bëjë aspak me përmirësimin e vendit tonë, por me rënien e dy shteteve që para një viti qendronin përpara nesh në këtë klasifikim. SHBA, ekonomia në një moment “ngurrues”
Drejtori i Rezevës Federale Amerikane, Ben Bernake, deklaroi përpara Kongresit se ekonomia amerikane është duke kaluar një moment “ngurrues”, prandaj një ndërhyrje më aktive e shtetit mund të jetë e domosdoshme. Azotiku, shteti humbi miliona euro
Shteti shqiptar ka humbur qindra miliona lekë nga mënyra se si është shitur për skrap uzina e re e uresë në Azotikun e Fierit dhe jo vetëm ajo. Bursat Europiane, vazhdon rënia
Rënia në Bursat Europiane vazhdon për të dytën ditë rradhazi, ndikuar edhe nga paqartësia e situatës rreth krizës greke. Heqja e TVSH-së për ushqimet
Partia Socialiste ka hedhur një hap tjetër duke i kthyer në projektligj, propozimet e anoncuara nga deputetja Mimi Kodheli një javë më parë për heqjen e TVSH-së për disa artikuj jetik për qytetarët shqiptarë.


Lajmet kryesore

Përvjetori i marrëdhënieve Shqipëri-SHBA
Berisha lapsuse nga emocioni
Azotiku, shteti humbi miliona euro
Hije skandali për makinat e vjetra
Censusi, minoritarët nuk bojkotojnë
Lehtësirat për biznesin, Shqipëria, vendi i 64-t