Përplas për vdekje 50-vjeçarin, largohet nga vendngjarja

Një 50-vjeçar humbi jetën sot në mbrëmje pasi u aksidentua për vdekje nga një automjet. Aksidenti ndodhi në hyrje të qytetit të Lezhës, ku Dedë Gega, po udhëtonte me motoçikletë në momentin kur u përplas nga një automjet.

Mësohet se Gega gjeti vdekjen në vend, ndërsa automjeti u largua menjëherë nga vendngjarja. Policia mbërriti menjëherë në vendngjarje dhe ka nisur menjëherë hetimet për zbardhjen e ngjarjes, si edhe identifikimin dhe kapjen e drejtuesit të mjetit.