Përplasjet Putin- Wagner, Zelensky: Dobësia e Rusisë është e dukshme
Zhvillimet në Rusi kanë sjellë edhe reagimin e presidentit ukrainas Volodymyr Zelensky. Në rrejtin social Telegram Zelenksy gjen rastin të shprehet kundër Rusisë me shprehjen se kushdo që “zgjedh rrugën e së keqes shkatërron veten”, duke ju referuar pushtimit rus në vendin e tij.
Presidenti ukrainas ka bërë fajtor presidentin rus për shkaktimin e kaosit, ndërsa thote së ngjarjet e fundit tregojnë dobësinë e Rusisë. sipas BBC.
“Rusia përdori propagandën për të maskuar dobësinë e saj dhe marrëzinë e qeverisë së saj. Dhe tani ka aq shumë kaos sa asnjë gënjeshtër nuk mund ta fshehë atë. Dhe e gjithë kjo është një person… edhe pse ai nuk është në gjendje të çojë në asgjë tjetër. Dobësia e Rusisë është e dukshme”, shkruan Zelensky.
Mercenarët rebelë të Wagner thonë se kanë marrë kontrollin e qytetit rus të Rostov-on-Don , një vend kryesor ushtarak. Pasi pretendoi se ushtria ruse kishte goditur një kamp të grupit paraushtrak rus Wagner në Ukrainë, kreu i këtij grupi Jevgeni prigozhin, bëri të ditur se trupat e tij kishin marrë nën kontroll objekte ushtarake qytetin jugor të Rostov mbi dron duke e çuar vendin drejt krizës.
Prigozhin akuzon ushtrinë ruse për një sulm vdekjeprurës ndaj forcave të tij në Ukrainë, ku trupat Wagner po luftojnë për Rusinë, por Moska e i ka mohuar këto pretendime. Veprimet e Prigozhin, presidenti Putin i quajti thikë pas shpine për vendin.
I menjëhershëm ishte reagimi i Prigozhin ku thotë se Putin po gabon rëndë me akuzat për tradhëti.
Në Moskë dhe rrethina, autoritetet kanë kanë shpallur gjendjen e jashtëzakonshme.
/rtsh.al/