Perseri Strauss Kahn Ne liste per president pas skandalit
Ish-kreu i FMN-së, një ditë pasi ka marrë lirinë nga arresti shtëpiak, ka marrë edhe propozimet e para për tu rikthyer në skenën politike franceze. Miqtë e ngushtë të politikanit që para skandalit seksual në Nju Jork, kryesonte listën e kandidatëve socialistë për presidencialet e 2012-ës, thanë se Kahn mund t’i rikthehet planit të parë tashmë që ka marrë lirinë. Prokurorët ndryshuan masën e sigurisë për Kahn pas dyshimeve të forta për akuzuesen, shërbyesen nga Guinea, e cila u vërtetua se ka gënjyer edhe për letrat e saj të azilit.
Radiot dhe televizionet në Francë janë përfshirë nga ethet e një skandali tjetër, të madh po aq sa edhe ai i akuzës për përdhunim ndaj shefit të FMN-së. Në qendër është kthesa spektakolare në çështjen Dominique Strauss-Kahn, nëse ky i fundit do të dalë i pastër nga të gjitha akuzat dhe mundësia e një komploti për ta nxjerrë nga gara presidenciale. Spekulimet kanë marrë përmasat e titujve të parë në Francë, çdo të bëhet nëse gjykata në Nju Jork e rrëzon padinë për tentativë përdhunimi?
Kryeministri i fundit socialist, Lajonel Zhospë, thotë se nëse hipoteza e pafajësisë së Kahn vërtetohet, atëherë do të jetë në dorë të tij të vendosë dhe pastaj do të vendosin edhe socialistët francezë.
Korrespondenti i BBC-së në Paris, thotë se pavarësisht ngjarjeve në gjyqin e Kahn, pritjet e francezëve janë të mëdha se akuzat kundër tij do të rrëzohen. Dhe nëse kjo ndodh, i vetmi person që mund ta nxjerrë Strauss Kahn nga gara e vitit të ardhshëm, kundër presidentit Sarkozi, është ai vetë.
Kahn tashmë është i lirë të udhëtojë brenda Shteteve të BAshkuara, por jo jashtë kufijve, dhe duhet të dalë sërish para trupit gjykues më 18 korrik.
Radiot dhe televizionet në Francë janë përfshirë nga ethet e një skandali tjetër, të madh po aq sa edhe ai i akuzës për përdhunim ndaj shefit të FMN-së. Në qendër është kthesa spektakolare në çështjen Dominique Strauss-Kahn, nëse ky i fundit do të dalë i pastër nga të gjitha akuzat dhe mundësia e një komploti për ta nxjerrë nga gara presidenciale. Spekulimet kanë marrë përmasat e titujve të parë në Francë, çdo të bëhet nëse gjykata në Nju Jork e rrëzon padinë për tentativë përdhunimi?
Kryeministri i fundit socialist, Lajonel Zhospë, thotë se nëse hipoteza e pafajësisë së Kahn vërtetohet, atëherë do të jetë në dorë të tij të vendosë dhe pastaj do të vendosin edhe socialistët francezë.
Korrespondenti i BBC-së në Paris, thotë se pavarësisht ngjarjeve në gjyqin e Kahn, pritjet e francezëve janë të mëdha se akuzat kundër tij do të rrëzohen. Dhe nëse kjo ndodh, i vetmi person që mund ta nxjerrë Strauss Kahn nga gara e vitit të ardhshëm, kundër presidentit Sarkozi, është ai vetë.
Kahn tashmë është i lirë të udhëtojë brenda Shteteve të BAshkuara, por jo jashtë kufijve, dhe duhet të dalë sërish para trupit gjykues më 18 korrik.