Përshtatën ambientet për organizimin e lojërave të fatit, në pranga 5 persona

Pesë persona janë arrestuar nga Policia e Tiranës pasi kishin përshtatur ambientet e disa subjekteve për organizimin e lojërave të fatit dhe ushtronin veprimtarinë e paligjshme të vënies së basteve përmes celularëve.

Në kuadër të operacionit të koduar “Shady snake”, janë arrestuar R. J., 25 vjeç, B. M., 36 vjeç, M. F., 38 vjeç, K. B., 30 vjeç, dhe Q. Sh., 42 vjeç, të gjithë banues në Tiranë.

“Gjatë kontrolleve të ushtruara në disa subjekte të vëna në dispozicion për organizimin e lojërave të fatit, u konstatuan këta shtetas, në celularët e të cilëve shërbimet e Policisë gjetën faqe dhe linqe që shërbenin për vënien e basteve sportive”, thuhet në njoftimin e policisë. 

Gjatë operacionit u sekuestruan në cilësinë e provës materiale, 7 celularë që shërbenin për këtë veprimtari të paligjshme.  

/rtsh.al/