Peshkopët kundër Obamas

Peshkopët amerikanë kanë dalë kundër reformës shëndetësore të presidentit Barack Obama, si dhe kundër martesave të homoseksualëve, duke premtuar betejë të fortë.

Të mbledhur në Asamblenë e Përgjithshme në Baltimor, ata kanë përsëritur pozicionin e tyre të qartë kundër normave të “Obamacare”, e cila parashikon mbulim sigurimi edhe për kontraceptivët, duke shprehur shqetësimin e madh në lidhje me legalizimin e martesave të të njëjtit seks, të votuar me referendum në tri shtete, gjatë ditës së zgjedhjeve.