Pheniani shqetëson Ban Ki Moonin

Sekretari i Përgjithshëm i OKB-së, Ban Ki-Moon u shpreh shumë i shqetësuar nga njoftimi i hedhjes në hapësirë të satelitit veri-korean në dhjetor, që mund të rëndojë situatën në rajon, bënë të ditur burime në OKB.

Ban Ki-Moon beson se ky lëshim do të shkelte rezolutat e Këshillit të Sigurimit.

"Sekretari i Përgjithshëm i ka kërkuar Phenianit të rishqyrtojë këtë vendim dhe të pezullojë të gjitha aktivitetet lidhur me programin e raketave balistike", theksuan burimet zyrtare.

Koreja e Veriut ka instaluar në bazën në Sohae, në veriperëndim të vendit, elementët e parë të raketës, që pritet të lëshohet gjatë këtij muaji.

Pheniani njoftoi disa ditë më parë lëshimin në hapësirë të një rakete, për të vendosur në orbitë një satelit vëzhgimi.