Pjesëmarrje rekord në zgjedhjet e Serbisë, mbi 67.5% e zgjedhësve hedhin votën në kutinë e votimit

Pjesëmarrja në zgjedhjet e parakohshme parlamentare në Serbi ka arritur në 67.5% deri në orën 19:00, sipas vlerësimit të IPSOS dhe CESID, bazuar në përpunimin e 91.7% të kampionit.

Sipas të dhënave të publikuara, qytetarët po votojnë për 18 lista zgjedhore, me gjithsej 2,418 kandidatë për 250 vende në Kuvendin e Serbisë.

Të drejtë vote kanë 6,451,292 qytetarë, ndërsa procesi zhvillohet në 8,392 qendra votimi, të hapura nga ora 07:00 deri në 20:00.

Qendrat e votimit pritet të mbyllen në orën 20:00, ndërsa të dhënat e para për rezultatin e zgjedhjeve pritet të publikohen pas përfundimit të procesit.