Plagosen 2 te rinj ne atentat, mister motivet

Lac - Konflikti i disa diteve me pare dyshohet te jete bere shkak per atentatin e deshtuar mbremjen e djeshme ne fshatin Fushe-Milot te Kurbinit, ku mbeten te plagosur dy te rinj. Ngjarja ka ndodhur rreth ores 18:00, ne superstraden Milot-Mamurras, kurse te demtuarit jane Leonard Cela dhe Elton Kalaveri, te cilet qendronin perballe oborrit te hotel "Arberise". Kalimtaret kane marre trupat e pergjakur, duke i derguar fillimisht ne spitalin e Lacit dhe me pas ne ate Ushtarak te Tiranes. Policia mberriti menjehere ne vendngjarje dhe identifikoi si autor pas hetimeve te kryera, Sali Kasmin, banues ne fshatin ku ndodhi krimi, i cili eshte larguar menjehere pas atentatit. Policia nuk beri te ditur motivet e sulmit, por dyshohet per nje konflikt mes paleve te mbartur qe dje eshte kthyer ne nje sulm hakmarres. Mjeket thane se gjendja e Celes dhe Kalaverit mbetet e rende, kurse policia heton edhe per larje hesapesh mes grupeve. Ne hyrje e dalje te qytetit jane ngritur postblloqe te shumta per te kontrolluar cdo makine. Sipas deshmitareve, Kasmi eshte pare te afrohet ne zone rreth ores 17:30 ne oborrin e hotel "Arberise" dhe ka dale nga nje makine "Rover" me nje automatik ne dore, duke qelluar mbi Elton Kalaveri, 24 vjec, dhe Leonard Celes, 22 vjec.

A.Bushi