Plani “anti Mbappé”, Scaloni vendos për mbrojtjen me 5 lojtarë

Lionel Scaloni tha sot në konferencën për shtyp se e ka në mendje formacionin e zgjedhur për finalen e madhe të Botërorit. Me këtë deklaratë trajneri i Argjentinës nuk ka surprizuar askënd pasi prej dy ditësh me radhë ai ka provuar të njëjtën skemë në stërvitje, fakt ky që tregon se tashmë ka vendosur të rreshtojë të tijët me skemën 5-3-2.

Në mbrojtje Scaloni ka preferuar që të aktivizojë Lisandro Martínez, Otamendi-n dhe Romero-n me Molina dhe Acuña nga krahët. Kjo zgjedhje siç dihet kërkon një “sakrificë” të madhe, e cila mban emrin e Angel Di María-s. Kylian Mbappé është “armiku” numër një për 90’ dhe për këtë arsye Scaloni ka vendosur që në këtë ndeshje të shtojë forcat në mbrojte.

Në mesfushë Scaloni ka vend vetëm për De Paul, Enzo Fernández dhe Alexis ndërsa repartin e sulmit do ta formojë dyshja Messi dhe  Julián Álvarez.