“Plasja më vjen…”/ Rama: Po sa të paskan dashur mor burrë i dheut

Pas bashkëshortes dhe djalit të ish kryeministrit Fatos Nano, fjalën në ceremoninë zyrtare e mori kryeministri dhe pasardhësi i tij në PS, Edi Rama.

Në nisje të fjalës së tij, kreu i qeverisë nuk kurseu ironinë dhe kunjat ndaj kundërshtarëve politikë të Nanos.

“I thonë një fjale vdis, pa të të dua! Sa do të doja i dashur Fatos të uleshim sonte në një nga ato darkat tonë të viteve të fundit, e t’i kalonim deri vonë në atë revistën tonë të ngjarjeve e personazheve të ndryshëm tërë ç’u tha e çfarë u shkrua për ty qysh se doli lajmi se ti ike përgjithnjë. Po sa të paskan dashur e admiruar mor burrë i dheut ! Edhe ata që të vunë shkopa nën rrotë, mezi pritën sapo morën vesh se nuk do t’i hapësh më sytë, edhe ata që të kallën në burg, e që të lëshuan për vite tërë të zezat e gjuhës shqipe, veç ta shihje si t’i kanë qëndisur fjalët…Plasja më vjen!”, tha ndër të tjera Rama në nisje të fjalës së tij të lamtumirës për Fatos Nanon.