Portali konkurues "Openleaks" - Ish punonjësi i WikiLeaks-it hap platformë të re zbulimi
Kush kerkon sot ne internet me emrin Daniel Domscheid -Berg, merr ne sekonde disa mijera artikuj. Ne disa prej tyre thuhet se ai eshte ne sherr me portalin e zbulimeve ‚Wikileaks‘.
Domscheid-Berg nuk e perdor fjalen "sherr", por flet per "diferenca" lidhur me drejtimet. Dhe me gjithe kritiken ndaj kultit te personit te themeluesit te "Wikileaks-it"Julian Assange, ai nenvizon meritat e ish shokut te tij nga Australia: "Behet fjale per debatin çfare duhet mbajtur sekret ne pergjithesi. Çfare ndodh pas skenave, kur ngrihet perdja? ‚Wikileaks‘ e transportoi kete debat ne dhomat e ndenjes te gjithe botes. Sot per kete gje flasin edhe njerez qe nuk kane patur kurre interes per nje gje te tille. Ata konfrontohen vazhdimisht me kete gje."
Bildunterschrift: Großansicht des Bildes mit der Bildunterschrift:
Por ajo qe nuk i pelqen fare Domscheid-Berg-ut duket se eshte pozicioni monopolist qe ka marre ‚Wikileaks‘ si portal zbulimesh. Me themelimin e portalit te vet me emrin ‚Openleaks‘, berlinezi kerkon te sjelle ne skene me shume kualitet dhe kuantitet, pa iu dashur te ndahet nga ideja fillestare: "Une mendoj se nuk eshte keq, qe te behen sa me shume publikime me sa me pak filtrim. E megjithate gjithnje kur behet fjale per informacione eksplozive, ekziston problematika qe duhen marre ne konsiderate edhe gjera te tjera. Dhe ne besojme se do te ishte me mire qe ne kete proces te marrin pjese me shume njerez me pervoje."
Ne keto fjali fshihet nje kritike e padhene kunder themeluesit te ‚Wikileaks-it, Assange. Dokumentat sekrete te publikuara kohet e fundit nga SHBA dhe vendet e tjera, shpalosin efektin e tyre edhe nepermjet bashkepunimit ekskluziv me mediat me ndikim si per shembull "Der Spiegel" ne Gjermani ose ‚Oberserver‘ ne Britanine e Madhe. Domscheid-Berg preferon per portalin e tij nje model tjeter. Njerez qe kane interes te publikojne informacione eksplozive ne menyre anonime, duhet te vendosin vete se kush duhet ta marre kete funksion. Kete funksion mund ta marrin mediat klasike, por edhe organizatat joqeveritare: "Per shembull ‚Greenpeace‘, ‚Foodwatch‘ – gjithe organizatat qe per shembull merren me kontrollin e pavarur te industrise. Edhe sindikatat kane me siguri nevoje per te bere publikime te tilla. Me projektin tone ne perpiqemi te arrijme bazen, ne menyre qe ne te ardhmen te kete me shume faqe te tilla".
Bildunterschrift: "Der Spiegel" publikon dokumente te Wikileaks-it
Aspekt i rendesishem ne portalin zbulues te Domscheid-Berg-ut eshte i ashtuquajturi "kuti postare sekrete". Ai duhet te vihet ne dispozicion te atyre qe duan te publikojne materiale eksplozive, pa patur rrezikun e zbulimit se kush jane. Deri tani, informatoret sekrete kane nisur poste direkte neper redaksi ose jane takuar me nje gazetar: "E gjithe kjo ka relativisht veshtiresite e veta. Ata duhet te fitojne besimin per te folur me dike. Ata duhet te vrasin mbase mendjen gjithe nates, nese do te shkojne te nesermen ne poste per te nisur dicka. Ata kane kohe te mendojne gjithe naten, nese kane apo jo guximin ta bejne nje gje te tille. Kurse interneti ofron shance krejt te tjera."
Portali "Openleaks" i Domscheid-Berg-ut nuk mund te funksionoje pa pagese. Megjithate ai beson se e ka gjetur rrugen per te mbeshtetur financiarisht projektin e tij: "Ekzistojne mundesi per ta mbajtur portalin nepermjet donacioneve. Dhe ne shpresojme, qe nepermjet pervojes edhe me "Wikileaks‘-in, publiku ta kuptoje pse eshte e rendesishme qe ta decentralizosh dhe pastaj ta perkrahesh nje projekt te tille. Modeli ideal qe mendojme ne eshte nje i ashtuquajturi community- model. Dhe aktualisht ne kemi planifikuar kosto prej rreth 400 eurosh ne muaj. Sipas mendimit tim kjo eshte nje shume e paperfillshme per çdo organizate, qe funskionon ne rregull financiarisht."
Ne skenen virtuale, shancet qe ekzistojne per ‚Openleaks‘ vleresohen ne menyra te ndryshme. Perkrahesit e nje modeli konkurues per ‚Wikileaks‘ kane perballe skeptiket. Ata akuzojne Daniel Domscheid-Berg-un per naivitet, sepse nuk kupton qe informacionet kane qene gjithnje mall per te cilin ekziston gjithnje nje bleres. Ne fund do te ndodhe qe informacionin do e marre ai, qe paguan me shume, siç ndodh shpesh ne keso rastesh. Ndonje tjeter shkon deri aty sa ta quaje braktisesin e "Wikileaks"-it njesoj si Julian Assange, qe ta konsiderojne veten me te rendesishem se sa çeshtjen.
Autor: Marcel Fürstenau/ Aida Cama
Redaktoi: Angelina Verbica