Pranga dy ndertimoreve falsifikuan dokumentet per 23 objekte

Policia e Vlores ka arrestuar Julian Sadikajn dhe Artur Dervishin te akuzuar per shperdorim detyre dhe falsifikim dokumentesh. Hetimet nisen pas denoncimit nga persona qe kishin objekte

Kane perfunduar ne pranga dy inspektore te inspektoriatit kombetar ndertimor te Vlores ndersa akuzohen per shperdorim detyre dhe falsifikim. Arrestimi i tyre eshte bere dje ndersa te dy shtetasit ndodheshin ne nje local duke pire kafe.

Burimet nga policia bene te ditur se jane ndaluar Julian Sadikaj 28 vjec dhe Artur Dervishi 37 vjec te cilet dyshohet se kane falsifikuar vendimet per prishjen e 23 objekteve ne qytetin e Vlores duke deklaruar sikur ato ishin prishur nderkohe qe nje gje e tille nuk ka ndodhur. Nderkohe dyshohet se disa prej banesave te planifikuara per tu prishur kane arritur te marrin dokumentacionin e plote te legalizimit.

Zanafilla mesohet te jete qershori i vitit te kaluar kohe ne te cilen Inspektoriati Kombetar Ndertimor me ne krye Gjergj Bojaxhiun i perkrahur edhe nga policia u paraqit ne zonen e Pyllit te Sodes per te rrafshuar rreth 80 ndertime pa leje mes te cilave 30 lokale dhe 50 banesa.

Ne diten e pare te punes se ketij inspektoriati pati perplasje mes banoreve dhe policine por fatmiresisht nuk pati viktima edhe pse njeri prej banoreve qelloi me arme. Operacioni vijoi me prishjen e banesave dhe me pas u nderpre per te rifilluar ne shtator pas perfundimit te sezonit turistik.

Por rreth nje muaj me pare nje person i cili sic ka deklaruar ne prokurori kishte paguar per te mos iu shembur ndertesa e tij pa leje ka marre serish nje leter per prishjen e saj. Nje gje e tille ka bere qe ai te denoncoje rastin dhe te fillojne hetimet. Nga verifikimet e kryera ka rezultuar se 23 objekte per te cilat ishte deklaruar se ishin shembur ne te vertete vijonin te ekzistonin.

Madje burime nga policia bejne te ditur se pergjate kesaj periudhe disa prej ketyre objekteve kane arritur te sigurojne edhe dokumentet e legalizimit pavaresisht se rreth nje vit me pare ishte vendosur shembja e tyre.

Mesohet se kur kane rifilluar shembjet ne diten e pare jane prishur rreth 6 banesa dhe diten e dyte 4-5. Kur kane mbetur edhe 23 banesa per tu prishur procesi eshte nderprere fillimisht me justifikimin e prishjes se skrepit e me pas eshte lene ne harrese kohe ne te cilen ka pasur edhe falsifikim te dokumenteve.

Pas denoncimit te bere prokuroria ka nisur hetimet dhe vetem dje ka bere te mundur venien ne pranga te dy inspektoreve te ndertimit. Akuza e ngritur ndaj tyre eshte shperdorim detyre dhe falsifikim dokumentesh. Nderkohe behet e ditur se hetimet vijojne per te vertetuar edhe persona te tjere qe mund te jene te perfshire ne nje afere te tille.