Pranohet ankesa e prokurorit në rastin Medicus

Në Gjykatën e Qarkut në Prishtinë, paneli i përbërë nga dy gjykatës të EULEX-it dhe një gjykatës i Kosovës, vendosi ta pranojë ankesën e prokurorit lidhur me rastin Medicus.

Kjo do të thotë që është anuluar vendimi i gjykatësit konfirmues i 31 janarit 2011, me të cilin disa prova janë shpallur si të papranueshme.

Rasti i kthehet gjykatësit konfirmues për ta nxjerrë një vendim lidhur me konfirmimin ose jo konfirmimin e aktakuzës, thuhet në njoftimin e EULEX-it.