Presidenti Obama mbërrin në Irlandë

Presidenti Barak Obama ka mbërritur në Irlandë, që është ndalesa e parë e liderit amerikan në kuadër të turneut në katër shtete evropiane.

Qëndrimi i Obamës në Irlandë pritet të përfshijë edhe vizitën në fshatin e vogël të Monigallit, vendlindja e katërgjyshit të tij.

Të martën, Obama dhe gruaja e tij, Mishell, pritet të vazhdojnë turneun në Britani, ku do të jenë mysafirë të mbretëreshës Elizabet në një darkë zyrtare shtetërore.

Obama do të qëndrojë edhe në Francë dhe Poloni.