Ministri belg i financave i interesuar për postin e kreut të FMN-së

Ministri belg i Financave, Didier Reynders u shpreh i interesuar për kryesimin e organizatës së Fondit Monetar Ndërkombëtar (FMN), duke pranuar se francezja Christine Lagarde do të ishte kandidatura pretendente e evropianëve.

Pyetjes së një gazetari të televizionin publik “RTBF”, i cili e pyeti nëse ai ishte i interesuar në këtë post, Reynders iu përgjigj se "sigurisht që jam i interesuar, këto janë funksione që nuk mund të refuzohen".